Ohayo

Open Now

Now Closed

尖沙咀新開咗一間Ohayo by Ocio位於海港城海運大廈嘅地下。位置非常方便，行完街唔使離開商場就可以食飯。餐廳仲定位埋親子客人，我去嘅時候見到四五枱都有小朋友，有啲仲喺度慶祝緊生日。真係小朋友friendly家長真係可以積極考慮吓。我哋兩個人去食，order咗一個晚餐加一個窩夫甜品，已經食到好飽。牛肝菌大啡菇雜菌燴飯燴飯好入味，除咗一般嘅啡菇之外，餐廳加咗幾片木耳，食落都幾有特色。OHAYO熔芝士炸雞芝士加上熱騰騰嘅炸雞，食落超滿足。炸雞外脆內嫩。下面仲有脆脆嘅薯條，真係完美。朱古力布朗尼窩夫朱古力味超濃，窩夫脆脆的。可惜淨係叫咗一個雪糕，真係應該加錢叫多一球。