Orange Elephant Thai Restaurant (和富)

Open Now

Now Closed

呢間泰國人主理ge餐廳聽聞九龍城總店經常爆滿，今晚黎到年頭新開ge北角分店試下，裝修幾似泰國當地新派餐廳，寬敞開揚，幾舒服。每晚都有$1優惠，星期二晚我地用$1叫左原價$68 ge泰式香茅炸豬扒，豬扒香脆可口，肥瘦適中。炸物真係難以抗拒，樣樣都想食，叫泰式拼盤就唔洗煩，全部都大大件，熱辣辣，值得一提ge係蝦餅蝦味幾濃同好彈牙。炸開就唔好停，爆炸大頭蝦賣相十分爆炸，兩隻大頭蝦切開八件，連埋胡椒、辣椒、香茅、檸檬葉一齊炸，未食已經香噴噴，蝦肉幾爽口，如果再炸透d，連埋殼食都仲得。牛腩夠腍同入味，黃咖喱較溫和唔算辣，撈埋炒飯一齊食幾正。通菜爽口夠鑊氣，唔會過鹹。菠蘿炒飯食得多，呢個仲要焗過，炒飯盡吸海鮮香氣同菠蘿甜味，幾乾身。椰青水冰涼清潤，椰青肉嫩滑。泰式奶茶叫左少甜，唔會甜到蓋過茶味，香滑醇厚。