嚐越 (Closed)

D裝修幾high喎，衰在環境太窄，位與位之間好迫，如果天氣冇咁熱的話，坐露天個邊會舒服d。有兩人套餐128蚊都幾抵，不過唔多o岩食，就索性散叫。唔係好肚餓只叫了一個檬粉、三款小食同一杯特飲。烤豬肉撈檬-d烤肉幾香，肉雖厚但唔會韌同唔會“鞋”，用o黎撈檬d魚露唔夠未，再酸d會醒胃口d；芽車快買相唔錯，整到好似高檔餐廳d頭盤，所以分量好少，幾啖就食完，lazyqueen講d冇錯，雞肉味道怪怪，不過薦抵的酸椰菜絲同車梨茄就好醒胃；水晶鮮蝦扎肉卷，蝦肉唔夠爽，冇其他的越南餐廳俾咁多檬粉做，所以口感幾清新；蟹肉柚子沙律-都預左會蟹肉少，柚子肉值得幾多錢喎?d椰絲仲多柚子，我只係食到椰絲味，非常之唔o岩口味又唔抵食。龍眼薏米蜜特價10蚊，有好多薏米味道就一般。