119 Italio Restaurant & Bar (Moved) New Location

今日又同男朋友仔食飯啦！今日去左食西餐！我地叫左哈密瓜巴馬火腿，哈密瓜好甜，切成球狀 容易入口。火腿味道很好，不過略為偏薄。不過就係因為咁薄，所以唔會好咸。配合埋個蜜瓜甜，呢個配搭幾好。肉眼扒七成熟，生熟度啱啱好，入邊仲有少少粉紅色外面係脆脆地。肉眼扒肉質好鮮嫩，而且又多汁，再配埋個紅酒汁。好味黑松露芝士薯條，薯條份量好多而且係即刻新鮮炸嘅，仲有芝士味同黑松露味都好濃。推薦香港製造手工啤酒，揀咗一個重口味啲同埋一個比較淡味啲嘅。而我哋兩個都一致認同重口味啲嘅係比較好飲，過麥味比較重，而且仲有少少甜，女仔飲都好適合。