阿肥火鍋 (Closed)

是日收早所以打算同朋友係睇戲前打個邊爐傾下計上網搵左一搵見到呢間裝修幾特別於是就打去book地方唔難搵，個個招牌一眼就睇到門口細細一入去眼前一亮光線好足，周邊既裝潢十足十懷舊既香港好似番番去細路屋村年代所以一坐底就要叫兩支汽水乾一乾先menu有前後兩版，都好多選擇搞到又有選擇困難，最後擇左細既花膠雞鍋細都有半隻雞嫁店員介紹先飲個雞湯再加湯打邊爐個湯堅濃雞味飲左兩大碗雞肉好淋唔（鞋）花膠煲到軟晒又索晒個雞湯味，好跟住上主角，由於太多款牛揀最後揀左至愛既本地手切牛（例牌）只需放落湯滾一滾拖一拖就好食，好濃牛肉無根唔韌，仲要好滑，無得輸第二推介芝心墨丸一咬落去啲芝士流岀黎加上墨丸本身夠彈牙但要小心啲芝士熱到個咀嚮鈴都好脆唔易淋唐生菜份量都幾多上齊就等食，每樣都岀色加上環境好有feel最後埋單每人三有幾。