Video
Read full review
2011-06-05
86 views
尋日(4-6-2011 Sat)朝早,o係男友屋企起身後,o攞住張o係團購以$25.00買一張$60.00o既coupon共兩張,走去呢間subway買o野返去做早餐.o黎到,有一個客用英文揀要咩o野料同醬,我就研究價錢,我睇到’廚櫃’玻璃上貼上咩自選乜料物料,又加錢又半6”12”點點點,但偏偏搵唔到價目表.之後有個應該係店長o既人入o黎,我就問佢有冇價目表?佢指向上方,啊o係個o度.好,叫呢啲包應該穩陣唔使自選料o掛.男友要$35.00o既日式醬雞,我要$37.00o既意大利經典,佢叫我同’廚師’講,我講o左No.(唔想咁長氣講咩名),’廚師’唔明,店長就用英文同佢講.啊,原來佢係外藉人士.之後問我要咩包?我就答一個小麥,一個咩意大利甜心.但’廚師’同店長講o左堆o野後,店長同我講只係白包.問我要咩o野.=.=”我心諗,都只有白包重可以揀咩?我唯有答冇問題照要.咁’廚師’將一個包平均切開兩份,執幾個主要o既肉,然後佢好似問我要唔要double cheese?我記得double cheese好似唔使加錢,就求祈答要.然後佢就放入焗爐焗,不一會,店長同佢’廚師’講夠喇.’廚師’拎出o黎問
之後有個應該係店長o既人入o黎,我就問佢有冇價目表?佢指向上方,啊o係個o度.好,叫呢啲包應該穩陣唔使自選料o掛.
男友要$35.00o既日式醬雞,我要$37.00o既意大利經典,佢叫我同’廚師’講,我講o左No.(唔想咁長氣講咩名),’廚師’唔明,店長就用英文同佢講.啊,原來佢係外藉人士.之後問我要咩包?我就答一個小麥,一個咩意大利甜心.但’廚師’同店長講o左堆o野後,店長同我講只係白包.問我要咩o野.=.=”我心諗,都只有白包重可以揀咩?我唯有答冇問題照要.
咁’廚師’將一個包平均切開兩份,執幾個主要o既肉,然後佢好似問我要唔要double cheese?我記得double cheese好似唔使加錢,就求祈答要.
然後佢就放入焗爐焗,不一會,店長同佢’廚師’講夠喇.’廚師’拎出o黎問我要咩o野配料.要揀o架?我點知呢兩款正宗應該有咩配料呢?我唯有睇住英文字求祈揀要咩料啦.印象,中我o個個揀o左三至四樣o野.有青瓜同洋蔥,唔記得另一,兩款係咩o野.而男友呢,因為佢早已叫我自己決定,我又唔知應該要乜,就求祈叫’廚師’幫佢加,佢加o左好多生菜.係喎,點解我o個個唔叫佢加生菜?因為…..玻璃上o既紙冇寫.之後我冇留意佢加乜,然後佢又問我要乜醬.唉!我暈喇!
我o個個要蜜糖芥茉,男友o個個要蛋黃醬啦.整好晒走人.
返到男友屋企急急影相,因男友趕住返工喇,所以佢o既日式醬雞冇影到雞肉就畀佢食先.
而我o個個呢,
腸同火腿都幾多,味道豐富,因我揀o既配料同醬都OK嘛,微辣o既芥茉同酸瓜,為味道唔太濃郁o既火腿們加味,但芝士好似都唔係好夠,麵包就腍晒,就算唔腍,根本就睇得出係焗唔夠.男友o個個呢?
佢話辣辣地,我食o左我個個一半後,就同佢交換.佢呢個原來個雞本身係辣,幸好有生菜同我只係揀o左冇乜味o既蛋黃醬,但我都係食唔到而畀返男友食埋.其實我真係有啲好彩,糊裡糊塗咁揀配料同醬,因為價目表根本就冇註明有啲咩o野肉類,等客人有心中有數而加配料.
o衣o家重有一張coupon,睇o黎下次我真係要有充足時間至好o黎用.
服務:
問店長價目表,諗住之後佢會接落去,詳述自己揀乜物,加幾錢要乜物,點知冇講.男友話又同上次閩南小食館一樣,客人點知你店舖o野食點玩?點解唔可以講多啲?
o係我揀配料同醬時,要焗住扮鬼佬講英文,而’廚師’又有啲唔耐煩咁,攪到我有壓力.
而店長就o係我揀完咩醬,就即刻同我講加$12.00,我就畀我手上o既coupon同講等一陣,男友就自己畀$12.00先.其實我心諗,使唔使咁心急?驚我o地走o左佢咩?
而且最後畀兩個包我時都冇講句多謝.男友話佢又係全程黑面.
服務分有啲係因為’廚師’算好心畀o左生菜我而加返.
環境:
做外賣生意,間舖細唔緊要,但冷氣都係開唔夠.
價錢:
如果唔係因為買coupon,三十幾蚊一個包我係唔會買,o衣o家一共用o左$37.00買原價$72.00o既包,接近5折,即係$18.50一個包,咁就可以接受.
Post
