隠家拉麵工場 (Closed)

深水埗區有唔少出名美食，今次去左位於西九龍中心覓食。雖然話係覓食，但都係睇下黃店地圖推介。呢間隱家如果唔係去之前特登search下，應該唔會咁易搵到，因為佢係位於7樓蘋果商場要穿過一排格仔舖先會去到。已經好多年冇去過西九嘅我，因為想去試呢間，再一次去到西九呢個充滿童年回憶嘅地方。隱世黑伝$89黑蒜油味香濃，我鐘意重口味但驚有時沾麵湯會死鹹，呢度又唔會，麵條條都掛湯，配上蔥花，令感覺清新啲，全隻嘅溏心蛋，煮得好好，會想追加多隻。叉燒肥瘦適中，幾入味。唯一提醒係麵嘅份量有啲少，女生晚餐食都略有啲唔夠，建議可以加麵，咁就滿足啲啦！隱世赤伝$99蕃茄湯味，配料同黑伝一樣，湯底味道偏甜，唔係鮮甜嘅蕃茄味，會有啲似罐頭湯嘅味，但襯落啲麵食都唔錯嘅。我大概6點半去到，食完7點幾，外面就好多人等位。總結：1. 一定要試黑伝 2. 加麵 3. 早少少去，如果唔係好多人等呀！