華

Open Now

Now Closed

西九M+一向都係文青嘅聚居地，為咗更加貼近文青嘅style，我決定去吸收下文化氣息，為自己培養多啲氣質。今次就到訪M+16樓「CView」，餐廳入邊除咗夜景吸引我之外，另一個亮眼點就係有中式嘅園林設計，令人置身於中式庭園一樣。花雕醉雞 $168淡黃色又有光澤嘅雞身，連雞皮一樣都係咁嫩滑，食落仲有濃郁嘅酒香味。糖醋蝦球 $298炸皮厚度恰到好處，糖醋汁亦都唔會蓋過蝦球嘅鮮味，蝦身夠彈牙餸飯一流。雪菜毛豆百葉 $208呢個菜式我都係第一次試，原來係上海嘅家常小菜。百葉軟身又有彈性，味道有少少酒香，帶出毛豆天然嘅甜味。拔絲香蕉 $158一餐最期待嘅當然係甜品，金色嘅拔絲令到成個甜品更加立體，另外香蕉軟身又有甜味，做甜品真係一流。