Video
Read full review
2021-12-27
489 views
同朋友到尖沙咀感受氣氛，行到八點左右就開始揾食。因為係聖誕節，就鎖定去有鐵板扒餐嘅餐廳。行行下先倒呢間餐都幾多選擇，就上咗去試下。餐廳明顯唔夠侍應，舉咗手示意都要成兩三分鐘先有人應。我叫咗鐵板燒汁西冷(七成熟)、羅宋湯同凍檸茶。朋友就叫咗鐵板黑椒汁羊架、羅宋湯同熱檸水。先嚟餐包同湯。餐包暖暖地，好軟熟；羅宋湯好濃，都有幾多菜，但係就無碎牛肉嘅。上菜速度比預期快，湯都未飲完就送到。醬汁自己倒，但係塊鐵板一啲都唔熱，醬汁淋落去一啲聲氣都無。我塊西冷幾乎全熟，不過總好過係生嘅。牛肉味唔係好濃，但好彩亦唔覺有梳打味，塊扒有啲咬口，質地幾好。朋友嘅羊架就有啲驚喜，兩邊煎到好脆，但中間又有好多肉汁，兼且有羊味。雖然我塊西冷麻麻，但喺尖沙咀，又係假期，每人都只係食咗$160，而且又無人催你交枱，我覺得都算係咁。
餐廳明顯唔夠侍應，舉咗手示意都要成兩三分鐘先有人應。我叫咗鐵板燒汁西冷(七成熟)、羅宋湯同凍檸茶。朋友就叫咗鐵板黑椒汁羊架、羅宋湯同熱檸水。
先嚟餐包同湯。餐包暖暖地，好軟熟；羅宋湯好濃，都有幾多菜，但係就無碎牛肉嘅。
上菜速度比預期快，湯都未飲完就送到。醬汁自己倒，但係塊鐵板一啲都唔熱，醬汁淋落去一啲聲氣都無。我塊西冷幾乎全熟，不過總好過係生嘅。牛肉味唔係好濃，但好彩亦唔覺有梳打味，塊扒有啲咬口，質地幾好。
朋友嘅羊架就有啲驚喜，兩邊煎到好脆，但中間又有好多肉汁，兼且有羊味。
雖然我塊西冷麻麻，但喺尖沙咀，又係假期，每人都只係食咗$160，而且又無人催你交枱，我覺得都算係咁。
Post
