祥仔 (K11購物藝術館)

Open Now

Now Closed

響電視度見過Ricky san好多次，今日特別黎到佢主理間餐廳祥仔在K11的B2層， 名氣就好大，味道就真係非常之見仁見智。叫咗個鮮粟米真星斑魚飯，系堅星班但就有啲overcooked，啲星班魚魚冇魚味，仲好『鞋』， 侮辱咗塊堅星斑；飯有鮮粟米跟住，甜D，味道又咪咁，仲有D唔夾…另外叫咗個葡汁雞球飯，『頂』…啲雞嘅雪味漂晒出黎，葡汁完全係冇味兼水一般好差，勁想叫人攞豉油…仲有個雞翼，好似迎合四川人食咁樣，花椒八角味過重，蓋過甜豉油香味，一路食下食下嘅時候把口已經有啲麻，再食唔到有乜味，仲要九蚊一隻…明明系西廚，無那那搞間茶記，難怪中伏。