世華餐廳 (Closed)

前幾日同爸爸媽媽食返媽媽節同爸爸節飯，決定去呢間世華餐廳開餐，一泥食過真係好不錯，二泥口味岩我地，地方又坐得舒服！好彩不用等位，上到去服務生即刻安排我地入坐，我地一行5人，俾張大大張既枱我地坐，夠哂寬闊。好快我地點左椒鹽鮮魷魚，熱辣辣，脆口又唔un，好鬆化，我爸爸無牙力都話食到仲話正😂霸王辣子雞上次泥既時候食過一次返尋味，再點泥食，味道依舊出色有水準，乾身又不會肉老。海味雜菜粉絲煲，清清地岩哂老人家食，有鮑魚絲蝦米冬菇有咸香味，粉絲浸哂湯好入味！生炸bb鴿上次泥已經想嗌，今次食到，肉汁鮮嫩，夠入味又脆口，仲要勁抵食28蚊炸！平時酒樓都58，68啦！北菇羅漢上素係點俾老人家食既，豆腐滑嘟嘟，有菜又菇健康啲，無咁油，屋企人好鐘意！我地仲點左金牌飽魚雞煲，成家人食飯緊係嗌個重頭戲先得既，我地點左半隻雞，有4隻飽魚架，雞肉鮮嫩，又夠味，配料足。送飯一流！整體來說第三次第四次都會再泥食，有好多款都想試！