Neighbor (Closed)

之前嚟過Neighbor已覺得不錯，聽講最近加入了台灣元素美好年代，台式飲品，西台共融，搞搞新意思，我也樂於再來。既然台灣飲品紅遍香江，無理由唔飲啫。點了杯美好紅柚，好大杯噢！味道清新，啜飲著紅柚粒粒有嚼口，清甜好飲。頭盤點了兩個，一個是巴馬火腿蜜瓜沙律，巴馬火腿夠甘香，脂香滿腔。不過份量就比較少了一點。另一款頭盤是酥炸軟殻蟹，不油不膩。原隻蟹還帶點蟹膏，酥脆香口。主菜店員推介了原個南瓜海膽海鮮飯，淨係賣相己拍手叫好。海鮮有青口，蝦和帶子。蝦隻好爽口，非常新鮮。帶子煎得剛好，中間部位剛熟透，好嫰滑，青口鮮嫩。隨了海膽，還加入了魚籽，混入忌廉飯內，鹹香甘香，口感豐富。熊本霜降牛西冷又是推介，達到要求的半熟，牛味濃厚，軟腍，淡淡滋味。甜品少不得，朱古力蛋糕我最愛，朱古力味濃郁又帶些少苦澀，軟綿可口，食到又愛又恨啊！