Video
Read full review
2022-10-11
640 views
最好食沙嗲牛肉西多士?沙嗲牛肉西多士 沙嗲牛肉西多士係呢排比較fusion嘅西多士，不過香港唔係淨係得佢一間有賣，好似之前介紹太子嘅利口福都有賣。西多士唔算好厚個種，同利口福差唔多，幾挺身，咬落去外層夠脆，包體鬆軟唔會太腍比醬汁整到，內餡嘅沙嗲牛肉偏碎，唔係一塊塊既滑牛，咬落去就正常，偏柴小小，食落去西多士有小小蛋香味，入面沙嗲味都算濃，不過花生味就冇咩，辣味都無咩，對比利口福，利口福牛肉嘅調味比較重啲，會有啲搶過啲甜味，西多士加上牛油、煉奶，鹹甜交集，唔算過甜過鹹，不過如果可以自己控制煉奶份量更好。估唔到沙嗲牛肉同埋甜既牛油、煉奶，味道上係幾夾，無咩違和感，食落唔算好油膩。不過就唔係個個人食得慣，因為同我一齊食嘅朋友就覺得唔慣，佢自己比較鍾意啲傳統嘅花生醬西多士。要再挑剔嘅就係牛肉分布得唔平均，主要集中喺中間，所以食到西多士既邊邊就冇牛肉，同埋如果係平時沙嗲牛肉麵嘅牛肉可能口感上會更豐富，因為之前介紹嘅利口福就係一塊塊嘅牛肉，份量多啲，同埋分布得比較平均啲。整體係一個好邪惡嘅西多士，本身西多士已經邪惡，仲要加上濃味嘅沙嗲牛肉，冇心理準備嘅人可能真係接受唔到。🌟整體我覺得呢度嘅沙嗲牛肉
沙嗲牛肉西多士
沙嗲牛肉西多士係呢排比較fusion嘅西多士，不過香港唔係淨係得佢一間有賣，好似之前介紹太子嘅利口福都有賣。
西多士唔算好厚個種，同利口福差唔多，幾挺身，咬落去外層夠脆，包體鬆軟唔會太腍比醬汁整到，內餡嘅沙嗲牛肉偏碎，唔係一塊塊既滑牛，咬落去就正常，偏柴小小，食落去西多士有小小蛋香味，入面沙嗲味都算濃，不過花生味就冇咩，辣味都無咩，對比利口福，利口福牛肉嘅調味比較重啲，會有啲搶過啲甜味，西多士加上牛油、煉奶，鹹甜交集，唔算過甜過鹹，不過如果可以自己控制煉奶份量更好。
估唔到沙嗲牛肉同埋甜既牛油、煉奶，味道上係幾夾，無咩違和感，食落唔算好油膩。不過就唔係個個人食得慣，因為同我一齊食嘅朋友就覺得唔慣，佢自己比較鍾意啲傳統嘅花生醬西多士。
要再挑剔嘅就係牛肉分布得唔平均，主要集中喺中間，所以食到西多士既邊邊就冇牛肉，同埋如果係平時沙嗲牛肉麵嘅牛肉可能口感上會更豐富，因為之前介紹嘅利口福就係一塊塊嘅牛肉，份量多啲，同埋分布得比較平均啲。
整體係一個好邪惡嘅西多士，本身西多士已經邪惡，仲要加上濃味嘅沙嗲牛肉，冇心理準備嘅人可能真係接受唔到。
🌟整體我覺得呢度嘅沙嗲牛肉西多士唔錯
Post