1908bc British Chinese

Open Now

Now Closed

今晚同朋友想搵間坐得舒服d既餐廳傾下計，搵到呢間西式中餐，好似幾得意。點知有驚喜。芝麻蝦多司多司炸至金黃色, 原隻大蝦, 食到包邊香脆, 亦食到蝦既爽口鮮味, 重點係唔覺得成口油, 係一個好有水準既芝麻蝦多司。必食。鮮蟹肉粟米羹香濃粟米香味, 足料蟹肉, 唔會杰撻撻, 而且湯好夠熱, 唔知有無人同我一樣, 鐘意飲好熱既湯。所以好岩我心水。香酥鴨刈包香酥鴨刈包,鴨油香味飄住出黎, 因為鴨肉係炸過, 所以食入口都食到少少脆口感，，掛包鬆軟鴨肉一絲絲帶鹹香, 夾住甜醬, 青瓜絲, 可以融和返炸鴨肉既油份。英式炸魚薯條好厚既Cod fish，外層的炸漿香脆，而且做到不厚身薄薄一層，入口酥化, Cod Fish魚味唔算好重, 怕腥既朋友都食到, 而且肉質比較嫩。配住熱辣辣炸薯條, 真係肥仔都抵。餐廳配左青豆蓉做side dish, 幾特別。Blueberry & Lime Seltzer叫左杯Mocktail< Blueberry & Lime Seltzer> 輕微酸酸地, 有DD氣, 配我個英式炸魚薯條, 岩哂。