Video
Read full review
2018-09-02
861 views
話說肥妹仔星期三晚去咗東港城嗰邊行街街，路經一間叫沙煲兄弟嘅茶餐廳，見到入面嘅裝修非常新穎，但係食嘅食物就係港式大排檔嘅菜式，肥妹仔就覺得好好奇，去咗試下。蝦多士 $28肥妹仔我就最鍾意食脆口嘢嘅，呢一個蝦多士肥妹仔已經好耐冇食過啦!蝦多士上面鋪咗一層蝦滑，下面就係方包，然後拎去炸!佢嘅蝦滑蝦味都幾濃，口感彈牙爽口!多士炸到脆卜卜，但係一啲都唔油膩，食落去好香口。脆炸蝦雲吞 $28咪一樣小食肥妹仔只會想去酒樓飲茶嘅時候先會食到，難得一間茶餐廳有得叫，就梗係叫嚟試下啦!佢嘅炸雲吞好大粒，外表係雲吞皮，炸到非常香口，入面就有鮮蝦肉同埋蝦滑，食落去又係好鮮味，點埋佢嘅醬汁係好好味。海味雜菜煲 $78海味雜菜煲入面有好多配料，有白菜，小棠菜等等，仲有粉絲，雜菌，蝦米，魷魚!食落去口感超級豐富，啲蔬菜好新鮮，冇渣。粉絲吸滿咗個湯汁，食落去唔會好清淡!窩蛋牛肉煲仔飯 $68話說肥妹仔已經好耐冇食過煲仔飯啦，呢一個煲仔飯好好食，因為佢嘅煲仔飯係有飯焦嘅，食落去脆卜卜，好香口!而佢嘅牛肉肉質都好嫩滑，唔會好鞋，加埋一隻蛋喺上面，撈埋個蛋汁嚟食，真係超級好食。邪惡金沙西多士 $38呢一個西多士
話說肥妹仔星期三晚去咗東港城嗰邊行街街，路經一間叫沙煲兄弟嘅茶餐廳，見到入面嘅裝修非常新穎，但係食嘅食物就係港式大排檔嘅菜式，肥妹仔就覺得好好奇，去咗試下。
蝦多士 $28
肥妹仔我就最鍾意食脆口嘢嘅，呢一個蝦多士肥妹仔已經好耐冇食過啦!蝦多士上面鋪咗一層蝦滑，下面就係方包，然後拎去炸!佢嘅蝦滑蝦味都幾濃，口感彈牙爽口!多士炸到脆卜卜，但係一啲都唔油膩，食落去好香口。
脆炸蝦雲吞 $28
咪一樣小食肥妹仔只會想去酒樓飲茶嘅時候先會食到，難得一間茶餐廳有得叫，就梗係叫嚟試下啦!佢嘅炸雲吞好大粒，外表係雲吞皮，炸到非常香口，入面就有鮮蝦肉同埋蝦滑，食落去又係好鮮味，點埋佢嘅醬汁係好好味。
海味雜菜煲 $78
海味雜菜煲入面有好多配料，有白菜，小棠菜等等，仲有粉絲，雜菌，蝦米，魷魚!食落去口感超級豐富，啲蔬菜好新鮮，冇渣。粉絲吸滿咗個湯汁，食落去唔會好清淡!
窩蛋牛肉煲仔飯 $68
話說肥妹仔已經好耐冇食過煲仔飯啦，呢一個煲仔飯好好食，因為佢嘅煲仔飯係有飯焦嘅，食落去脆卜卜，好香口!而佢嘅牛肉肉質都好嫩滑，唔會好鞋，加埋一隻蛋喺上面，撈埋個蛋汁嚟食，真係超級好食。
邪惡金沙西多士 $38
呢一個西多士真係不得了，非常邪惡!佢嘅西多士炸到金黃色，咬落去非常脆。多士入面係夾咗一層厚厚嘅花生醬，真係超級好食!上面仲淋上了很多朱古力醬同白朱古力碎，食落去超濃朱古力味，我相信任何鍾意食甜點嘅人都會好鍾意呢一個西多士。
凍奶茶 $18
肥妹仔我去到茶餐廳就一定會叫一杯凍奶茶黎試下嘅!佢呢個凍奶茶沖得好滑好順口，茶味同奶味比例啱啱好，水準不錯。
Post
