Food Combo (Closed)

今日屯門收工，約咗父親去新墟度食飯，一直都見到附近有兩間新西餐廳開咗，今日終於走去食。Food combo主打西式定食，感覺係日式定食嘅上盤方式，但係食物卻係西式，喺香港好少見。望左望餐牌，我叫咗個香煎挪威三文魚檸檬牛油汁配特色炸雞粒($178)，父親就叫咗個美國安格斯西冷9安士荷蘭汁南瓜薯餅($218)👻飲品就出去自己斟，幾特別。三文魚略嫌有少少熟左d，但係炸雞粒非常出色，有驚喜。調味獨特，有少少似韓式炸雞加日式炸雞嘅混合版。餐湯係南瓜湯，我個人都好喜歡。想講嘅係，千祈唔好睇小食物嘅份量，每款食物少少咁，但係食晒之後係完全非常之飽，甚至係會食唔晒🤣