The Captain’s House (Closed)

大圍竟然有灣仔名物分店，呢間舖好闊落。今晚同friend黎就無食招牌海鮮Combo，但都食左其他招牌野，都好有水準。個青口周打蜆湯轉酥皮只係加$18，啖啖都食到蟹肉絲好誇張。蒜片辣椒鳳尾蝦夠哂香口惹味，新鮮蝦黎。波士頓龍蝦闊條麵隻龍蝦都幾厚肉，闊條麵掛汁好掂，個汁有d芝士味同龍蝦味。最鍾意就係呢個招牌手工蟹肉漢堡，好奢侈好多蟹肉整嘅漢堡，無牛咁滯，但又好豐富口感。粗薯條咸咸地好惹味。食埋流心朱古力蛋糕、蘋果批，兩款都有一球雪糕，蛋糕流心又濃朱古力味，暖暖地甜甜地食啖雪糕又好正。蘋果批都係，配埋雪糕食唔會寡，好食。