Oliver's Super Sandwiches (Closed)

今日同家人的每月素食日子，諗住於Yoho食完午餐就出去荃灣買嘢。Yoho其中一個素食選擇係Oliver's Super Sandwiches，雖然選擇只有大約2款，不過味道較為豐富。我同家人都揀咗植物魚柳南瓜長通粉，炸“魚柳“烹調得好味，口感好好。而南瓜以天婦羅方式烹調，炸得薄薄一片，唔錯。長通粉就普通OK。不過家人的意見係因為魚柳及南瓜都係炸，所以感覺有啲油膩。家人要咗磨菇湯，有好多磨菇蓉，好香而且口感好正。我就要咗凍咖啡，咖啡都算夠香亦夠濃。