甜入心 (好運中心) (Closed)

今日難得可以早收工，所以約埋老公仔去沙田行街街，時間尚早，老公決定先食碗糖水同我sweet sweet下，帶左我去呢間叫甜入心既西式甜品舖。由於係下午時間，人唔算多，不需等位!舖內裝飾簡潔明亮， 木色牆身配糖果粉紅色枱面，特別有食糖水既氣氛。糖水menu圖文並荗,容易睇!老公點左芝士心連心窩夫，賣相非常精緻 心型嘅窩夫配以raspberry點綴， 並且淋咗芝士味嘅醬汁 略帶微咸，特別開胃， 窩夫外脆內軟有口感， 芝士醬料一啲都唔膩， 味道配合天衣無縫!而我一向著重滋陰養顏，所以特別點咗椰皇燉鮮奶湯圓!呢度嘅椰皇鮮奶湯丸係原隻椰皇上碟， 入面放滿暖笠笠嘅椰汁， 而最底層係燉鮮奶， 表面仲有好多透明爽口既海藻珠，芝麻湯圓唔會太甜， 湯圓煙韌有口感， 燉奶凝固得啱啱好，味道超夾!最後埋單兩個人食咗一百蚊都唔使， 價錢算係中規中矩， 真係蔗渣既價錢，燒鵝既味道!