十八夢

18夢meta stages嘅西式Lunch Set 午餐Menu嘅時間係由12:00-14:30，每一個套餐仲會包埋椰菜花忌廉湯、餐包、燒牛肉沙律！勁鍾意飲佢哋嘅椰菜花忌廉湯，點餐包食，簡直一流！今次我哋就試咗佢哋呢兩款嘅午餐，分別係加拿大全天然豬架同香煎紐西蘭比目魚柳•水瓜果白酒忌廉汁。首先，我先講咗自己食嘅加拿大全天然豬架先🐷，估唔到佢相當之多肉汁，豬扒入口肉質嘅口感係好鬆軟，好少食到呢種肉質嘅豬架，勁鍾意！然後，朋友食嘅就係同香煎紐西蘭比目魚柳，魚柳燒到油脂出晒嚟，非常之吸引，仲要外皮有啲香脆魚肉又雪白嫩滑，另外加咗水瓜果白酒忌廉汁，整體感覺好清新！