Video
Read full review
2021-09-19
1431 views
上次食個姊妹店一直念念不忘，今次就嚟試吓呢一間有泰菜元素嘅，一樣令人讚嘆！👍🏻冬蔭龍蝦湯流心牛角包一上枱已經好香牛油味，輕輕切開，酥皮會慢慢碎落，然後奶黃色嘅湯汁就澎湃地流出！冬蔭公嘅酸酸辣辣配上牛角酥係有意想唔到嘅味道驚喜，特別欣賞餐廳嘅辣度拿捏得非常好，並冇搶過龍蝦湯嘅味道！👍🏻龍蝦鳳梨沙律沙律菜食得出有用心思調配過，每啖都甜甜地有啲蜜糖同鳳梨汁嘅味道，仲有啲鳳梨粒陪襯。龍蝦蟹籽部分十分驚喜，蟹籽係一磚磚，咬落特別有口感，龍蝦肉都唔少，成件事好新鮮清新。👍🏻龍蝦汁蟹肉伊麵雖然要加額外嘅$28，但係都物超所值！每啖伊麵都掛滿汁，汁方面確實好夠龍蝦味，又帶點creamy ，而且有滿多蟹籽、蟹肉、同炸蒜係當中，果然不負泰式風味，食到最後即使涼咗少少都唔會好乾同杰曬。👍🏻瑪莎曼咖喱和牛面頰和牛面頰份量好多，切開每舊都仲好粉嫩。食落好軟林，肥脂適中，邊位仲有好多軟筋，咬完一啖成口充滿牛味，但又唔會比咖喱汁搶咗風頭，大推薦！至於成碟嘅精髓，就係瑪莎曼咖喱，比起外間佢多咗種花生醬、麻醬嘅風味，令整體更濃郁惹味。而薯仔明顯有用油泡過，好香口，送飯一流！👍🏻椰子雪糕配風乾鳳梨及紫糯米睇落雖然比較細杯
👍🏻冬蔭龍蝦湯流心牛角包
一上枱已經好香牛油味，輕輕切開，酥皮會慢慢碎落，然後奶黃色嘅湯汁就澎湃地流出！冬蔭公嘅酸酸辣辣配上牛角酥係有意想唔到嘅味道驚喜，特別欣賞餐廳嘅辣度拿捏得非常好，並冇搶過龍蝦湯嘅味道！
👍🏻龍蝦鳳梨沙律
沙律菜食得出有用心思調配過，每啖都甜甜地有啲蜜糖同鳳梨汁嘅味道，仲有啲鳳梨粒陪襯。龍蝦蟹籽部分十分驚喜，蟹籽係一磚磚，咬落特別有口感，龍蝦肉都唔少，成件事好新鮮清新。
👍🏻龍蝦汁蟹肉伊麵
雖然要加額外嘅$28，但係都物超所值！每啖伊麵都掛滿汁，汁方面確實好夠龍蝦味，又帶點creamy ，而且有滿多蟹籽、蟹肉、同炸蒜係當中，果然不負泰式風味，食到最後即使涼咗少少都唔會好乾同杰曬。
👍🏻瑪莎曼咖喱和牛面頰
和牛面頰份量好多，切開每舊都仲好粉嫩。食落好軟林，肥脂適中，邊位仲有好多軟筋，咬完一啖成口充滿牛味，但又唔會比咖喱汁搶咗風頭，大推薦！至於成碟嘅精髓，就係瑪莎曼咖喱，比起外間佢多咗種花生醬、麻醬嘅風味，令整體更濃郁惹味。而薯仔明顯有用油泡過，好香口，送飯一流！
👍🏻椰子雪糕配風乾鳳梨及紫糯米
睇落雖然比較細杯，但製作絕對唔馬虎。面頭有酸甜鳳梨乾，仲有三球好重椰汁味、奶香嘅椰子雪糕，旁邊附帶一啲椰果，加埋下面嘅只糯米，簡直絕配！
👍🏻飲品
🤍泰式奶茶：真係好地道嘅味道，茶同奶嘅比例恰到好處，冰量亦唔會過多，飲到最後唔會溝到變水，整體絕不過甜之餘仲反而有茶既回甘。
🤍蜜桃芝芝特飲：面頭薄薄一層鹹鹹地嘅奶蓋，仲襯埋下層嘅粉紅色蜜桃梳打鋪咗啲玫瑰花瓣，絕對夠igable～梳打方面酸酸甜甜，好清新，唔係普通糖漿嘅味道，值得一試！
Post
