緣聚 (Moved) New Location

難得同同事放早，我地決定搵個地方食下飯吹下水先。諗起西菁街到有間叫“緣聚”既地方，之前去過幾次，勝在環境同食物都唔錯。我地一坐低左就當點刺身，壽司，手卷先喇! 有三文魚腩，帶子，螺等多種新鮮刺身可供選擇。三文魚腩夠肥美而且都幾厚切，忍唔住要食多幾轉先。佢地個三文魚海膽手卷，海膽味道都算新鮮，入口無咩腥同苦味。又到炸物時間喇!! 下面呢個墨魚餅，我個人比較like 既。咬落去裏面居然有d細細粒墨魚肉，好味之餘亦都有口感，令我忍唔住要encore 多次。其他小食，好似清酒煮蜆，味道都ok。下面呢個麻辣帆立貝雖然味道對我嚟講辣辣地，不過勝在幾惹味，食下食下就會忍唔住食曬。