Video
Read full review
2019-09-13
215 views
今晚黎左灣仔呢間新開嘅日式餐廳食鐵板燒日本料理餐廳室內以淺木色為主調, 分左鐵板燒區 & 壽司區Order 左 Omakase Set, 由廚師發辦前菜一共有 3 款: 蕃茄蘋果醋、胡麻豆腐、南瓜凍湯蕃茄用蘋果醋浸過, 令蘋果醋 fruity 嘅味道滲入蕃茄肉中, 蕃茄嘅微酸同蘋果醋非常配搭, 清爽又開胃胡麻豆腐係日本常見嘅開胃菜, 口感軟嫩滑溜, 芝麻味香濃 南瓜凍湯質感較結,南瓜味夠濃郁夠香甜鱈場蟹肉蟹膏拆左肉嘅鱈場蟹, 啖啖肉, 表面加入混合左麵豉嘅蟹膏, 蟹肉嘅鮮甜配上蟹膏嘅鹹香, Perfect Match 秋刀魚刺身第一次食秋刀魚刺身, 以為味道會好腥, 但原來佢嘅口感比想像中滑嫩得多, 魚脂味豐富, 配合薑茸 & 醬油食份外清爽煙燻日本帶子帶子用核桃木煙燻過, 令香氣緊鎖, 配上微辣嘅 Pepper Sauce & 蕃茄莎莎, 多層次嘅味覺享受蓮藕饅頭 外層係用日本糯米整成, 口感比較軟綿, 中間包住明太子, 配料有日本蓮藕、茄子、紅蘿蔔、大根、鮮蝦, 再加入木魚汁一齊煮, 簡單又好味壽司拼盤: 金目鯛、金青魚、油甘魚金目鯛味道較淡口, 但鮮味十足, 肉質細膩, 而且油脂
餐廳室內以淺木色為主調, 分左鐵板燒區 & 壽司區
Order 左 Omakase Set, 由廚師發辦
前菜
一共有 3 款: 蕃茄蘋果醋、胡麻豆腐、南瓜凍湯
蕃茄用蘋果醋浸過, 令蘋果醋 fruity 嘅味道滲入蕃茄肉中, 蕃茄嘅微酸同蘋果醋非常配搭, 清爽又開胃
胡麻豆腐係日本常見嘅開胃菜, 口感軟嫩滑溜, 芝麻味香濃
南瓜凍湯質感較結,南瓜味夠濃郁夠香甜
鱈場蟹肉蟹膏
拆左肉嘅鱈場蟹, 啖啖肉, 表面加入混合左麵豉嘅蟹膏, 蟹肉嘅鮮甜配上蟹膏嘅鹹香, Perfect Match
秋刀魚刺身
第一次食秋刀魚刺身, 以為味道會好腥, 但原來佢嘅口感比想像中滑嫩得多, 魚脂味豐富, 配合薑茸 & 醬油食份外清爽
煙燻日本帶子
帶子用核桃木煙燻過, 令香氣緊鎖, 配上微辣嘅 Pepper Sauce & 蕃茄莎莎, 多層次嘅味覺享受
蓮藕饅頭
外層係用日本糯米整成, 口感比較軟綿, 中間包住明太子, 配料有日本蓮藕、茄子、紅蘿蔔、大根、鮮蝦, 再加入木魚汁一齊煮, 簡單又好味
壽司拼盤: 金目鯛、金青魚、油甘魚
金目鯛味道較淡口, 但鮮味十足, 肉質細膩, 而且油脂適中
金青魚魚味較濃, 簡單配薑蔥食可中和味道
油甘魚非常肥美, 口感爽彈厚實, 用胡麻醃製過, 估唔到別有一番風味
鹽燒香魚
將起肉嘅香魚以鹽燒方式煮熟, 魚皮夠香脆, 肉質細膩, 稱得上皮酥肉嫩
壽司拼盤: 魷魚、赤貝、赤海膽、醬油拖羅
魷魚味道清甜, 以千刀切嘅刀法, 令口感變得爽滑 ; 赤貝非常厚肉, 味道超級鮮甜, 肉質夠晒爽脆
赤海膽呈金黃色, 味道濃厚, 食完後口腔有種回甘嘅感覺 ; 拖羅俾醬油醃到淡啡色, 油脂超級豐富, 口感綿軟, 有入口即溶嘅感覺, 仲有陣陣嘅醬油香味
鮑魚粒湯飯
鮑魚粒口感結實, 高湯唔會太多, 而喺飯上加入蟹膏, 正
海綿蛋
蛋香濃郁, 口感有 D 似食海綿蛋糕
鱧魚魚湯
魚湯夠鮮甜, 魚肉肥美而又好脆口
甜品
有日本蜜瓜 & 巨峰提子, 兩款都非常爽甜多汁
Post
