One & A Half (Under Renovation)

呢間One & A Half外面睇到佢既設計以半圓為主，裝修時尚有格調，有種高級既感覺😌睇睇餐牌，價錢黎講都算合理，晚餐有定食，有多款配菜，都幾豐富。但係冇諗到，比起主食，呢度既甜品比到我更加大既驚喜🤩有多款特色甜品、飲品，今次淨係同朋友一人嗌左一款，兩款都好正～好想再試埋佢其他甜品！  1️⃣黑松露蛋黃醬親子雞扒配蕎麥麵（$128）定食包是日餐湯、茶碗蒸、羽衣甘藍雜菜沙律、生果同飲品。飲品揀左熱玄米茶。餐湯係麵豉湯。茶碗蒸都幾多料，有香菇、蟹柳、杏鮑菇等等，蛋都幾滑。沙律好fresh，配上醋汁，酸酸地好開胃😌食完曬啲野仲有生果食下，感覺好均衡～  主菜雞扒同蕎麥麵，蕎麥麵係熱既湯麵做法。湯底係好清既鰹魚味湯底，配上脆炸雞扒，好味👍雞扒皮炸得香脆但係唔會油膩，而且入面既肉質仲係嫩滑既。面頭既黑松露蛋黃醬，味道有啲似蛋沙律加上黑松露味😯仲食到切粒既蛋白。雞扒算幾大塊，食完好滿足🥰  2⃣️蒲燒鰻魚醬油漬蛋飯（$158）晚餐定食包既野同上面一樣，而飲品就揀左是日冰果茶，係蘋果茶黎。好好既係，佢唔會好甜😳飲落係冰涼解渴但係唔會好甜膩。  鰻魚幾厚，雖然唔算好多，但係食落唔係好食到佢既細骨，而且鰻魚汁