Aurora Fusion Restaurant (Closed)

Lunch menu一頁係西餐，另一頁係日本菜。額外詢問左有冇單點同小食menu，係有的，但店員話未必提供到入面的全部食物。今次focus食西餐，叫左兩個set同一個小食。-澳洲肉眼牛扒$98原本係叫七成，可能係因為外面已經煎得剛剛好，唔想overcook左，切開大概五成。外層煎得好香口，入面肉質都好軟淋，呢個程度保留左少少raw嘅味道。扒餐跟薯角仲有少少意粉，薯角好食，外脆內裡包滿。-龍蝦汁菠菜蟹肉闊條麵$98味道多元，有龍蝦汁，有菠菜蟹肉做配料，仲加左蟹籽。不過覺得闊條麵煮得有少少過軟，本身菠菜食落已經夠淋，如果條麵都軟，食落就缺少左口感。-三重芝士辣肉腸焗薯條$108呢個叫左係幾後悔，因為扒餐已經有好多薯角🤣。整體食落係幾鹹，薯條本身都落鹽，又選用左較濃味嘅芝士，再加埋辣肉腸本身就係鹹。呢個真係太heavy，而且食到幾條空心薯條，所以覺得麻麻地。-兩份lunch set表現都還可的，個餐湯飲落仲好足料，價錢亦都fair。直覺佢日本野應該係更高水準。