茴香 (Closed)

尖沙咀山林道有間人氣fusion餐廳，融合西式泰式料理，主打set course半自助餐，環境優雅，設有戶外座位，由17樓望落去真係幾靚，適合約閨蜜/另一半去撐枱腳❤️每個套餐都會包salad bar，唔講唔知以為去咗酒店，擺盤精緻而且款式夠多元化，大大條鮮甜嘅長腳蟹、三文魚脆脆、流心蛋、鹹鹹地嘅燈籠腸、鹹香芝士盤搭配芝麻餅乾，腰果同雜莓乾、多款沙律、水果等，淨係食出面嗰啲已經飽咗一半😂前菜有南瓜忌廉湯，熱辣辣，真材實料，配上一小塊麵包都幾match、小食有泰式拼盤，勝在樣樣有少少，感覺更加豐富，春捲、雞翼、蝦片、蟹餅、炸蝦包，個人最喜歡豬頸肉，兩大片，肥瘦適中，嫩滑多汁，點埋泰式辣醬就啱啱好！不得不讚個軟殼蟹，超級可愛，外脆內多肉，旁邊附上紅咖喱，帶點微辣，有淡淡嘅椰香味，仲有脆卜卜嘅烤餅可以配住食，好有泰國風味😃 主食有豬牛兩款，都係香煎，前者較嫩，見好多人點魚類，下次又要試吓先！