Video
Read full review
2012-09-22
860 views
你有聽過西人也有咸魚嗎？在大埔區想找一間坐得舒服食晏的地方著實不多。有同事介紹左這間King's Belly 酒吧給我話可以試試，而且中午12點已經有晏食。我一直以為酒吧係夜晚至開。這間酒吧格局似外國酒吧，我地一行5人去到仲有皮梳代坐，感覺良好。侍應介紹今個禮拜係咖哩雞扒三文治／炸魚薯條同銀魚柳蕃茄長通粉。前菜有粟米湯或者沙律揀。我見隔離有人食咖哩雞扒三文治，嘩魯連咁大份我諗我食唔曬 ／ 晏晝流流食炸野又唔想熱氣，所以都係食長通粉穩陣。個粉到的時候．．咦？條魚柳呢？跟住侍應就同我講，提提我啡啡地個條叫魚的東西好鹹，唔好一啖就食左佢。講完佢見我個樣仲有D唔明，就同我講，其實呢條啡啡地色的物體就係叫做銀魚柳，係西人的鹹魚咁話。坐我對面個同事搭嘴話，你唔知咩？原來只係我見識少。個粉味道唔錯，蕃茄係新鮮蕃茄！最後杯凍朱古力仲好鬼正。唯一係個湯鹹左少少。聽侍應講MENU每個星期都會轉，而且仲有FB，等我下個星期點睇下先！總結：食物中上，員工有禮，仲學到野。
你有聽過西人也有咸魚嗎？
在大埔區想找一間坐得舒服食晏的地方著實不多。有同事介紹左這間King's Belly 酒吧給我話可以試試，而且中午12點已經有晏食。我一直以為酒吧係夜晚至開。
這間酒吧格局似外國酒吧，我地一行5人去到仲有皮梳代坐，感覺良好。
侍應介紹今個禮拜係咖哩雞扒三文治／炸魚薯條同銀魚柳蕃茄長通粉。前菜有粟米湯或者沙律揀。
我見隔離有人食咖哩雞扒三文治，嘩魯連咁大份我諗我食唔曬 ／ 晏晝流流食炸野又唔想熱氣，所以都係食長通粉穩陣。
個粉到的時候．．咦？條魚柳呢？
跟住侍應就同我講，提提我啡啡地個條叫魚的東西好鹹，唔好一啖就食左佢。講完佢見我個樣仲有D唔明，就同我講，其實呢條啡啡地色的物體就係叫做銀魚柳，係西人的鹹魚咁話。
坐我對面個同事搭嘴話，你唔知咩？原來只係我見識少。
個粉味道唔錯，蕃茄係新鮮蕃茄！最後杯凍朱古力仲好鬼正。
唯一係個湯鹹左少少。
聽侍應講MENU每個星期都會轉，而且仲有FB，等我下個星期點睇下先！
總結：食物中上，員工有禮，仲學到野。
Post