東京街日本料理 (西洋菜南街)

Open Now

Now Closed

今日出太子買嘢，然後就入咗東京街食個lunch。午市套餐都幾抵食，前菜包括有麵豉湯同沙律。麵豉湯入面有勁多昆布，仲有豆腐。沙律蔬菜新鮮，仲配有芝麻醬。叫咗一客鰻魚飯，鰻魚好厚身，非常肥美，飯嘅份量都勁多，上面配有粟米粒同日本醃蘿蔔，令人開胃。雜錦刺身定食配白飯賣相已經攞滿分。雜錦刺身定食包括有三文魚、赤身、油甘魚、章紅魚、八爪魚、北寄貝同甜蝦。三文魚屬於厚切，口感一流。帶子味道好鮮甜。甜蝦鮮甜得嚟仲幾彈牙。呢度嘅午市套餐確係抵食，下次經過都可以再試。