犀牛廚房 (Under Renovation)

呢間位於西灣河聖十字徑青協地下由社企開辦嘅餐廳，外表同內裡裝修都係打文青風格，每次經過都想入去試。終於昨日的起心肝約媽媽同埋我先生一齊去試下。 我地三個人，我先生叫左個叫左油封鴨脾燴意粉，我媽媽就叫左個(半隻)燒春雞伴粗薯條，而我自己就叫左個凱撒沙律再另外加甜品-雪糕蘋果批。我媽媽既燒春雞其實個味調較得唔錯，可惜隻春雞因為係雪雞關係，所以D肉既質口感真係頗「霉」，好一般。而我先生既油封鴨脾雖然香，但因為應該都係急凍肉既關係，肉質都喺一般般，反而佢個意粉就更有質感。而我既凱撒三文魚沙律夠清新，份量亦唔少。另外叫左個蘋果批配蘋果肉同雲尼拿雪糕，唔太甜，算係幾好味。3個人4樣野食連加一埋單350蚊，我覺得雖然野食質數不過不失，但因為餐廳內裡裝修係鮮明乾淨同走文青風格，店員服務亦不錯，所以我覺得整體來說用餐體驗算係唔錯，我都覺得值得一試。