101手工小火鍋 (Closed)

人哋成日話西灣河多好野食，住咗咁耐，真心唔認同，難得新開台式火鍋店，即刻去試吓新野先😏標榜一人一鍋，正啦，即係一個人都食到，叫咗個蟲草花養生小火鍋試。豬骨清湯底，都真係幾清吓，特別係食住但聞到隔離嘅麻辣三杯雞。。。真係特別地清淡。。。唉，叫錯咗，雖然有蟲草花喺面，但完全無味，加理啲硬到喊嘅紅棗，明顯呢2樣野係最後先放喺表面，完全起唔到「養生」嘅作用。至於其他配料，有包心菜、雞件、粟米、台灣香腸、玉子豆腐、魚腐、洋蔥、大蔥、冬瓜、肥牛、番茄、金茹，款式算多，雞件有驚喜，食雞脾肉嚟，仲要有花雕香，讚👍🏻可惜嘅係，揀錯湯底，成件事真係麻麻地。