忠記咖啡屋 (Closed)

初初見到忠記咖啡屋，覺得個名好熟，唔知喺邊度見過，問一問老板，原來就係銅鑼灣果間忠記 上星期經過幾次見到排晒隊，可能大家都係貪新鮮吧。今日放工，正考慮食乜之際，見到佢竟然不用排隊，咁我就即刻衝入去啦。格局同一般茶餐廳分別不大，都係兩旁有卡位，中間有圓枱，另有幾張二人枱。今日懷舊mood,所以揀左兩樣懷舊潮食：金華火腿瑤柱蛋白炒飯（5/5分）：炒得好香，足料，飯的軟硬度適中。鐵板牛柳絲炒麵（4/5分）：麵是脆脆的那種，黑椒汁不太油，配芽菜味道都好夾。去到咖啡室又點可以唔試佢既招牌即磨咖啡呢？係唔錯既，夠濃味而且唔會好似一般港式咖啡咁帶酸味。