鮨玥 (Closed)

✨特大北海道厚岸蠔🦪 $58/1蠔好大粒，肉身肥厚飽滿幾creamy。食落海水味比較淡所以蠔嘅鮮甜會更加突出😆✨薄燒牛舌 $88牛舌好爽口，牛味濃，鹽、黑胡椒、檸檬汁作調味已經好足夠！✨生燒白鱔 $98白鱔肥美得黎，肉質爽身彈牙，有口感，而且好新鮮同埋充滿魚香！✨鱈魚乾 $30口感香脆幾好味，係一款開胃配酒小食🤪✨本鮪壽司丼 $265大拖羅、中拖羅同埋赤身各有兩件，一次過試曬三款吞拿魚好滿足呀😝 赤身比較瘦，口感相對實啲。中拖羅魚味濃郁，肥瘦恰到好處。我自己最鍾意大拖羅，色澤粉嫩，口感肥美，充滿油脂香，好似入口即溶咁🥰～✨牛油果軟殼蟹卷 $92軟殼蟹香脆，牛油果軟滑，唔錯😗✨日本花魚一夜干 $115花魚經過鹽水浸泡同埋一夜風乾，魚肉鮮甜，鹹度適中，值得一試。