Cull ’N Pistol Hong Kong (Closed)

喺西灣河海邊有好多嘅酒吧同餐廳，呢次我哋就嚟咗Cull’N Pistol Hong Kong。WEST COAST BURGER西岸芝士牛肉漢堡：漢堡好吸引，用咗prime級嘅牛肉，而牛肉肉味勁濃，有陣陣香烤過嘅香味，肉汁仍然好多，勁juicy，漢堡入面仲有酸甜嘅番茄、清新嘅生菜、秘製嘅燒烤醬、渣咸香嘅芝士仲有用黑糖做嘅麵包。味道口感都非常豐富。WARM LOBSTER ROLL 龍蝦包：用料十足，所用嘅龍蝦亦都非常之新鮮，味道鮮甜，口感彈牙爽口，而佢哋嘅包亦有烘底，有陣陣嘅牛油香氣，而佢哋喺龍蝦包入面仲加咗秘製嘅檸檬蛋黃醬，除咗可以有效突出龍蝦本身嘅鮮甜，亦都可消減麵包嘅牛油所帶嘅油膩感。MAC & CHEESE焗芝士通心粉：喺呢個滿滿芝士嘅通心粉入面仲有油香十足嘅煙肉、香氣四溢嘅蒜蓉等，令通心粉味道層次增添不少。POUTINE肉汁芝士當條：喺熱辣辣脆卜卜嘅薯條上面加上滿滿嘅芝士，再淋上濃厚肉味嘅肉汁，令芝士可以做到拉絲嘅效果，而薯條味道會更加豐富。