Video
Read full review
2022-09-28
70 views
今日嚟到西營盤呢間上海小店食上海嘢。誠記小籠包由2008年創立，裝修古色古香好有詩意，又帶啲現代嘅味道，好有中國特色，老闆娘好友善好有禮貌，小店所有食物都係自家製即叫即整，所以叫咗嘢食之後要等一陣！每樣嘢都好有特色自家製幾好食，真係好有誠意！🥟酸辣湯水餃 $78 (7/10)酸辣湯入邊有筍肉絲蛋花木耳冬菇 豬皮，質感幾濃稠，好似碗仔翅咁，酸酸辣辣，好香麻油味，非常開胃，飲落個肚度好暖胃！菜肉餃子，比較淋，好多菜，味道比較淡！🍴 大排擔擔麵 $82 (8.5/10)份量好多兩個人share都OK！個面好幼細好滑，唔會太淋，感覺好輕盈，個湯鹹鹹地有少少麻醬嘅味道，都幾香麻醬味，一啲都唔會太膩，仲有花生好香口。排骨炸粉好薄好香脆，肉質係彈牙唔鞋口，仲要甜甜地，好好食！配嘅酸菜係甜甜地！真心大推呢個排骨擔擔麵！🍴花雕醉雞(例牌) $98 (8/10)有成半隻雞咁多啊，份量真係良心！花雕酒味好香，但唔會太濃，出但唔會蓋過雞嘅味，雞都好嫩滑，個皮彈牙，雞肉軟淋，有雞味，好好食！🍴蟹粉小籠包 $72 (7.5/10)小籠包個皮好薄好煙韌，個肉都好鮮味，好香，有肉汁，蟹粉味道比較淡，但整體來講都唔錯！
🥟酸辣湯水餃 $78 (7/10)
酸辣湯入邊有筍肉絲蛋花木耳冬菇 豬皮，質感幾濃稠，好似碗仔翅咁，酸酸辣辣，好香麻油味，非常開胃，飲落個肚度好暖胃！菜肉餃子，比較淋，好多菜，味道比較淡！
🍴 大排擔擔麵 $82 (8.5/10)
份量好多兩個人share都OK！個面好幼細好滑，唔會太淋，感覺好輕盈，個湯鹹鹹地有少少麻醬嘅味道，都幾香麻醬味，一啲都唔會太膩，仲有花生好香口。排骨炸粉好薄好香脆，肉質係彈牙唔鞋口，仲要甜甜地，好好食！配嘅酸菜係甜甜地！真心大推呢個排骨擔擔麵！
🍴花雕醉雞(例牌) $98 (8/10)
有成半隻雞咁多啊，份量真係良心！花雕酒味好香，但唔會太濃，出但唔會蓋過雞嘅味，雞都好嫩滑，個皮彈牙，雞肉軟淋，有雞味，好好食！
🍴蟹粉小籠包 $72 (7.5/10)
小籠包個皮好薄好煙韌，個肉都好鮮味，好香，有肉汁，蟹粉味道比較淡，但整體來講都唔錯！
推薦指數: 8/10
平日夜晚去到都滿座，仲要都幾多人叫外賣！小店用心去做上海菜，味道都唔錯，幾正宗，又有禮貌服務又好好，主動加水，見到平日都有一人套餐可以試吓~西營盤食上海嘢都會推薦呢一間！
Post
