Video
Read full review
2019-09-04
838 views
金祥排骨麵真係我喺西環數一數二嘅飯堂🍚，全因抵食同好味，就係咁簡單！平日我就買外賣多，今日落開街買完嘢見夜夜哋就順便入去坐底堂食啦。舖頭唔大，枱都有少少迫，但都算企理嘅，食店有卡位有圓枱，最有特色係佢用傳統中式木嘅枱櫈🚪。如果你睇佢個Menu會見到有N咁多個選擇，會比佢嚇親🙈，但其實佢主要都係做嗰幾款餸，搭出唔同嘅組合，而麵食佢亦都有幾款比你揀，另外可再加小食同飲品。我就叫咗菜膽雲吞排骨麵($43)，🐖炸排骨係膽，必食之選，一人一份唔好同我爭please😌。炸排骨係無骨的，啖啖肉，而且炸得超鬆脆，但又唔係厚粉，勁好食😋，不過今日好似細嚿咗少少。另外我就搭咗菜肉雲呑，有3隻，每隻都超大隻，皮厚而且餡料十足👍🏻，但唔知係咪自加製架呢？菜膽今日就係菜芯🥬。而麵食方面，可能我今日比較晏去到(成9點)，所以上海粗麵、幼麵同河粉都賣哂🙈，不過對我嚟講，完全無問題，因為自從我食過一次粉絲之後就愛上咗，返唔到轉頭。我貪粉絲冇麵咁heavy，而且好索湯。題外話，落少少佢個豆瓣醬落個湯到吊味好正，又唔會太辣🤤。麵量超多，所以夠飽。朋友就叫咗菜膽牛肉雲吞麵($43)，佢嘅牛肉🐂係牛𦟌來的，都幾好食，但得3片
金祥排骨麵真係我喺西環數一數二嘅飯堂🍚，全因抵食同好味，就係咁簡單！平日我就買外賣多，今日落開街買完嘢見夜夜哋就順便入去坐底堂食啦。舖頭唔大，枱都有少少迫，但都算企理嘅，食店有卡位有圓枱，最有特色係佢用傳統中式木嘅枱櫈🚪。
如果你睇佢個Menu會見到有N咁多個選擇，會比佢嚇親🙈，但其實佢主要都係做嗰幾款餸，搭出唔同嘅組合，而麵食佢亦都有幾款比你揀，另外可再加小食同飲品。
我就叫咗菜膽雲吞排骨麵($43)，🐖炸排骨係膽，必食之選，一人一份唔好同我爭please😌。炸排骨係無骨的，啖啖肉，而且炸得超鬆脆，但又唔係厚粉，勁好食😋，不過今日好似細嚿咗少少。
馳名炸排骨
27 views
0 likes
0 comments
另外我就搭咗菜肉雲呑，有3隻，每隻都超大隻，皮厚而且餡料十足👍🏻，但唔知係咪自加製架呢？菜膽今日就係菜芯🥬。而麵食方面，可能我今日比較晏去到(成9點)，所以上海粗麵、幼麵同河粉都賣哂🙈，不過對我嚟講，完全無問題，因為自從我食過一次粉絲之後就愛上咗，返唔到轉頭。我貪粉絲冇麵咁heavy，而且好索湯。題外話，落少少佢個豆瓣醬落個湯到吊味好正，又唔會太辣🤤。麵量超多，所以夠飽。
朋友就叫咗菜膽牛肉雲吞麵($43)，佢嘅牛肉🐂係牛𦟌來的，都幾好食，但得3片就好似少咗啲。Btw如果走蔥記得預早講。
另外小食就要咗酥炸雲呑🥟(3只)($16)，其實即係炸咗嘅菜肉雲呑，而炸咗嘅比起未炸嘅更好食更特別，唔係周圍食到，超鬆脆得嚟又唔油，兩邊仲炸到成個圈圈咁好得意，配埋佢個錦鹵雲吞甜酸醬食超正。呢個亦係另一必食之選😋🤟。
酥炸雲吞
29 views
0 likes
0 comments
飲品(半價)就要咗一杯酸梅湯($6)同一杯豆漿($6)，兩樣都冇落冰但係都夠哂冰涼，所以唔會淡。不過唔知係咪水尾，所以豆漿🥛有少少渣，同時留意返佢嘅豆漿係無點落糖的。我就鍾意酸梅湯多少少，因為較清新同醒胃。
總括嚟講，食物質素毋庸置疑😎，用心製作(之前入口豬肉有問題，佢哋直頭唔開舖)，味道出色，而且非常抵食，兩碗麵加一樣小食同兩杯嘢飲都係$110左右。環境就普通街坊小店喇，無乜好fancy。另一令金祥屹立不倒嘅原因就係佢哋嘅人情味，除咗撐香港人🇭🇰外，佢哋對客都超好。例如佢哋準備收舖都會叫客慢慢食(大約9點9 last order)，賣哂上海麵又會係咁話唔好意思，我朋友之前落大雨無帶遮諗住入去飲杯嘢等細雨啲，店員話唔使啦就直接借咗把遮🌂比佢，勁窩心💓。綜合所有原因，我諗唔到有任何理由唔推介呢間位於西營盤水街良心老字號屹立不倒嘅排骨麵小店🐷🍜囉👍🏻。
Post
