Safety Stop (Closed)

港島區樓價越來越貴，以往般咸道到海旁一帶只屬舊區，舖頭也以街坊小店為主，宜家逢新樓必豪，連小巷也要開特色小店才夠交租了。呢間主打咖啡嘅小餐室位處西營盤水街小巷内，地方不易找，舖頭門口不大，舖内座位不多，不過裝修尚算精緻有品味。午餐一客過百唔算抵食。扒只有手掌般大，豬扒普通，羊扒無羶味，對愛羊之人嚟講即係唔夠肉味。配菜睇落好多但原來以洋蔥為主。份量不大，食量稍大都可能唔夠飽。食物不過不失唔緊要，主打嘅咖啡好飲咪得囉。只係叫咗餐飲咖啡，一杯decaffeinated 一杯Mocha，店員好體貼咁話decaffeinated可能唔夠香，但係結果好似杯冇decaffeinated嘅Mocha仲淡啲。話晒主打咖啡，餐飲都俾啲驚喜人好喎。呢度誠意睇得出有，但要吸引人特登去咁隔涉嘅小巷搵佢，就仍需努力。