Just Eat (Closed)

餐廳環境唔錯，坐得幾舒服。濃味牛湯浸牛肉河餐廳嘅特色之一係佢嘅特濃牛湯，牛嘅味道幾突出，濃郁得嚟又唔會好油膩。牛肉幾軟腍幾有咬口。燒豬扒撈㩚豬扒燒得好夠香，而且唔會韌。檬粉搭配香蒜、花生等配料，撈埋個汁一齊食，非常之開胃。越式雞望落同食落都好似海南雞嘅越式雞，雞肉嘅肉質好嫩滑，雞皮好滑，全部去晒骨，食嘅時候好方便。三種醬汁各有特色，我就鍾意同時點晒三種醬汁一齊食😂，少少辣少少甜再配合埋蒜蓉嘅味道，不知不覺就會好快食晒。青檸梳打當食完香蒜，有少少口乾嘅時候，再飲啖青檸梳打，感覺特別fresh。秘製菠蘿冰對我來説呢杯菠蘿冰可以當甜品咁食，菠蘿嘅份量好多，啖啖都係果肉，仲加入左柚子蜜，係清涼解渴之選。