Crispy Bistro (Closed)

我諗住喺西營盤，或者喺hku返學既人應該對呢間餐廳唔會太陌生。餐廳已經開咗一段時間。一直都想嚟支持下，咁啱今日有嘢做要去西營盤，又到下午茶時間，經過就坐低啦，餐廳冇乜人。全店只有一位女店員，本來佢坐緊吧枱位置，我以為佢係食客，估唔到佢乜都食，店員招呼我坐低之後，我order左一個朱古力播放，同埋一杯flat white, 之後店員就開始忙，原來佢乜都識得整，又識沖咖啡，又識整窩夫，仲要幾靚🙃杯咖啡比較正路，似係外國豆，性質較酸同濃，味道ok。講返個窩夫，個擺盤幾靚呀，而且都係熱辣辣即刻整，配料都係一罐朱古力醬，香蕉加雪糕。基本上係經典組合，特別就唔特別，但係就幾抵食。我覺得如果一時間諗唔到要去邊度食嘅話，你呢度都唔錯，至少有位，店員有禮貌，不過環境就比較外國化，畢竟佢都係一間酒吧。好有打卡feel就唔會，不過冇嘢做坐一個下午都幾好。