Video
Read full review
2020-10-28
97 views
上星期幾乎每日都係下雨天，為咗避雨，入咗位於西營盤水街嘅「The Ground Kitchen」。呢間店我Bookmark咗好耐架啦，去開嗰頭就去埋！😉▲藍白店門，睇上去勁有北歐漁村風情。▲裝修走精緻歐洲風情，女仔一睇就愛！我好鍾意呢度洋溢濃濃嘅北歐風情！猶其係店門，藍白設計，十足十我喺挪威見到漁村小屋咁，真係咩旅行回憶都返晒嚟！另外，店內裝修都幾精緻，牆上有水藍色拱形窗、歐式圖藤瓷磚、乾花，成件事好igable，喺度打卡，隨手都影到好效果！The Ground Kitchen嘅裝修走北歐風，但食物則偏向澳洲口味，會喺菜餚上加入大量食用花及鮮果，清新得嚟擺盤又精緻，成件事好似專為女仔而設咁，打卡100分！💕😏睇返之前嘅新聞，原來Cafe嘅主廚阿Keith曾赴墨爾本做Cafe工作，佢工作嘅Cafe，更喺短短開業一年間，就被澳洲媒體選為當地Top20 Café，加上他過去喺酒店或高級餐廳學會嘅技巧，每道餸都施展渾身解數，成績備受肯定。至於食物，個人覺得整體偏濃重。店家標榜無落任何味精，每個菜餚盡量以食材嘅原味去提味，食完都唔確喉，的確唔錯。✦ 雜菜湯 （跟餐附送）非常足料，入面有
上星期幾乎每日都係下雨天，為咗避雨，入咗位於西營盤水街嘅「The Ground Kitchen」。呢間店我Bookmark咗好耐架啦，去開嗰頭就去埋！😉
▲藍白店門，睇上去勁有北歐漁村風情。
▲裝修走精緻歐洲風情，女仔一睇就愛！我好鍾意呢度洋溢濃濃嘅北歐風情！猶其係店門，藍白設計，十足十我喺挪威見到漁村小屋咁，真係咩旅行回憶都返晒嚟！另外，店內裝修都幾精緻，牆上有水藍色拱形窗、歐式圖藤瓷磚、乾花，成件事好igable，喺度打卡，隨手都影到好效果！
The Ground Kitchen嘅裝修走北歐風，但食物則偏向澳洲口味，會喺菜餚上加入大量食用花及鮮果，清新得嚟擺盤又精緻，成件事好似專為女仔而設咁，打卡100分！💕😏
睇返之前嘅新聞，原來Cafe嘅主廚阿Keith曾赴墨爾本做Cafe工作，佢工作嘅Cafe，更喺短短開業一年間，就被澳洲媒體選為當地Top20 Café，加上他過去喺酒店或高級餐廳學會嘅技巧，每道餸都施展渾身解數，成績備受肯定。至於食物，個人覺得整體偏濃重。店家標榜無落任何味精，每個菜餚盡量以食材嘅原味去提味，食完都唔確喉，的確唔錯。
雜菜湯 （跟餐附送）
10 views
0 likes
0 comments
非常足料，入面有超多蔬菜，酸酸甜甜，幾開胃。
生牛肉薄切·白松露蜜糖芥末醬
$88
11 views
0 likes
0 comments
白松露蜜糖芥末醬勾起生牛肉嘅鮮味，成件事好惹味！好鍾意芥末嘅少少辛辣感，食完都唔覺膩。
法式芝士蘑菇焗波士頓龍蝦(半隻)
$138
23 views
0 likes
0 comments
蘑菇粒好爽口，芝士好香濃，波士頓龍蝦肉彈牙，加上結實嘅蝦膏，口感好豐富。
限節限定·南瓜海鮮燉飯(小)
$382
12 views
0 likes
0 comments
原隻燉南瓜入面有勁多南瓜蓉燉飯及海鮮，有蜆、青口、大蝦、三文魚籽等配料，睇上去唔大份，但食上口意外飽肚！兩個人share都係勉強食晒。
Berries Blast
$48
12 views
0 likes
0 comments
口感比較酸甜，配肥膩啲嘅主菜食會較好。
Galaxy Fantasy
$48
13 views
0 likes
0 comments
造型超靚，波波冰好似提子！底層有少少芒果汁，好消暑。
雜莓意大利奶凍
$68
27 views
0 likes
0 comments
雜莓有啲酸，有少少扣分，但底層嘅奶凍好Rich及香滑，拉返勻都算好味。
法式焦糖燉蛋
$68
38 views
0 likes
0 comments
表層焦糖好香脆，中間燉蛋好滑，質感好正！兩款甜品中，較愛呢款。
Post
