Video
Read full review
2022-10-11
418 views
西營盤水街出名多嘢食，最近仲開咗一間芋圓糖水店添。小店名叫「芋圓一」，舖面裝修幾别緻，燈光明亮兼簡潔，同上一手飯店完全唔同🙈。顧名思義，呢度專賣芋圓，基本上每一碗糖水都配有芋圓🍠。佢定價OK，平均四十蚊一碗，加上附近冇乜同類型糖水食，所以佢都旺場。桃膠雪燕窩清心丸芋圓($47)，佢係三款熱糖水之一🔥，飲落清潤唔太甜。糖水附有大量配料，包括桃膠、雪燕窩、清心丸同芋圓，出手一啲都唔孤寒。桃膠煲至晶凝通透，而成碗最特別嘅非清心丸莫屬。❤️清心丸係潮州特產，喺市面上比較罕見，不過呢度竟然有得食！清心丸四四方方，形狀似椰果，口感帶微微爽彈。椰汁雪燕窩芋圓($42)，呢碗係凍食，糖水呈奶白色，未放入口經已聞到極濃椰香🥥，口感亦算順滑。糖水同樣附有好多配料，雪燕窩一疏疏，每啖都食得到，另外仲有明珠。主角三色芋圓無令人失望🍡，質感軟糯，富嚼勁，加上大小適中，食吓食吓，不知不覺間就全部食晒。手打芒果糯米糍($20/粒)，🥭芒果糯米糍大大粒，有小朋友拳頭咁大。糯米糍外層薄薄的，口感煙韌，啱啱好包裹到入面嘅芒果肉。芒果肉多到瀉晒出嚟，亦難得一啲都唔酸，大大啖食，滿足。菊花普洱茶($18)，無糖普洱茶底偏深色🍵
西營盤水街出名多嘢食，最近仲開咗一間芋圓糖水店添。小店名叫「芋圓一」，舖面裝修幾别緻，燈光明亮兼簡潔，同上一手飯店完全唔同🙈。
顧名思義，呢度專賣芋圓，基本上每一碗糖水都配有芋圓🍠。佢定價OK，平均四十蚊一碗，加上附近冇乜同類型糖水食，所以佢都旺場。
桃膠雪燕窩清心丸芋圓
$47
9 views
0 likes
0 comments
椰汁雪燕窩芋圓
$42
4 views
0 likes
0 comments
椰汁雪燕窩芋圓($42)，呢碗係凍食，糖水呈奶白色，未放入口經已聞到極濃椰香🥥，口感亦算順滑。糖水同樣附有好多配料，雪燕窩一疏疏，每啖都食得到，另外仲有明珠。主角三色芋圓無令人失望🍡，質感軟糯，富嚼勁，加上大小適中，食吓食吓，不知不覺間就全部食晒。
手打芒果糯米糍($20/粒)，🥭芒果糯米糍大大粒，有小朋友拳頭咁大。糯米糍外層薄薄的，口感煙韌，啱啱好包裹到入面嘅芒果肉。芒果肉多到瀉晒出嚟，亦難得一啲都唔酸，大大啖食，滿足。
菊花普洱茶
$18
3 views
0 likes
0 comments
環境方面，從門口睇你會以為佢係一間外賣店，但其實雅座暗藏於二樓，樓底唔高，再加埋牆上畫咗漫畫，成個感覺幾得意😎。
總括嚟講，我好開心西營盤都有芋圓食喇😆，無論堂食定買走都得。雖然小店開舖無耐，但已經不乏街坊同港大學生幫襯，希望佢遲啲可以推出多幾款甜品啦👍。
Post
