Bluebird Coffee (樂基商業中心) (Closed)

平時飲開mocha，因為自問本身接受唔到齋啡的苦澀味🙈。既然今次來到咖啡專門店，梗係要挑戰下其他種類，經咖啡師既講解下就決定叫呢款啦。相比起Mocha，Mochaccino多了一層更濃既咖啡香，小了一份甜度，每啖都有微微既朱古力香，岩曬鍾意咖啡味重D既人😋。..雖然榛子醬本身係偏甜，但係佢無搶左咖啡豆的香味，反而中和左咖啡既苦澀味，所以飲落甜度岩岩好，好易入口。..酥皮做得好酥脆之餘，芝士同菠菜個比例亦岩岩好😋。要讚一讚菠菜的味道並無被芝士蓋過，而且仲帶出到微微的芝士香。整體感覺是出色的酥皮批，芝士同酥皮呢個配搭雖然看似邪惡，但食落竟沒有半點肥膩感，配埋咖啡一齊食真係岩岩好🤤。..雖然呢個組合看似平凡，但食落都幾驚喜，因為當甜甜既朱古力粒係口裏面融化，再配埋鬆脆既酥皮批底，真係每啖都好幸福😊。另外，值得一讚既係店員處理食物手法，接到order後會即刻焗熱，再等埋剛剛沖好既咖啡先一齊上台，非常貼心👍🏻。