Fish & Chick (高街) (Closed)

餐廳位於西營盤高街，因為朋友介紹，當日黎左依度食午餐。Set lunch 包頭盤+主菜同飲品。頭盤今次點左炸鮮蘑菇沙律，味道唔錯，蘑菇無草青味，口感唔會太乾。主菜當然就試左英式炸魚薯條，我加了$20轉鱸魚柳，表面外層炸得非常香脆，入面肉身都好鮮軟，亦都有魚嘅鮮味，炸魚肉汁被鎖實，之後點左他他醬食又係另一番風味。薯條又厚大條，亦炸得香脆。魚方面有幾種唔同選擇，包括本地盲魚、鱸魚、鯛魚同鱈魚等等，下次有機會黎會試埋其他。