Video
Read full review
2024-06-09
1842 views
作為一個九龍人好難得Weekday會過港島，仲要係最西邊嘅西營盤，緊係要揀間唔會失手中伏嘅cafe先對得住自己同朋友啦😋呢度鋪仔細細，又座落係第二及第三街之間巷仔入面，俾我嘅感覺好似係石隙間嘅奇葩，有幾個年青人默默低頭為自己鋪頭而努力付出（我冇同d staff傾訴，所以冇Fact Check邊個係老細)，等待有識之士嚟欣賞咁。點解我會咁覺得呢，因為當日幾位企係工作枱嘅年輕人好比心機為我哋提供服務，不停煮Lunch之餘，不時會主動行出嚟為我水杯添水，執枱速度又快，面帶笑容，態度客氣。以往其他Cafe做嘢嘅年輕人都係會低頭㩒電話，自己幾個人圍內Chitchat，好少可會咁主動留意顧客有咩需要，更甚好多時候我哋都要自己行出去攞水攞餐具（仲要收加1😮💨），真心不解🤔所以我就覺得呢間應該係呢幾位老細自己睇鋪嘅（希望佢哋睇到，話翻我知我估得啱唔啱😂）服務態度100分👍🏻Latte + Long Black (Hot)呢杯Hot Long Black有回甘，咖啡油脂分布平均，好明顯係有用心炒過嘅靚豆，好驚喜😙而杯Latte 可能因為要拉花拉得靚嘅緣故，奶味比較重，冇杯齋啡咁驚艷到我。兩杯咖啡
呢度鋪仔細細，又座落係第二及第三街之間巷仔入面，俾我嘅感覺好似係石隙間嘅奇葩，有幾個年青人默默低頭為自己鋪頭而努力付出（我冇同d staff傾訴，所以冇Fact Check邊個係老細)，等待有識之士嚟欣賞咁。
點解我會咁覺得呢，因為當日幾位企係工作枱嘅年輕人好比心機為我哋提供服務，不停煮Lunch之餘，不時會主動行出嚟為我水杯添水，執枱速度又快，面帶笑容，態度客氣。
以往其他Cafe做嘢嘅年輕人都係會低頭㩒電話，自己幾個人圍內Chitchat，好少可會咁主動留意顧客有咩需要，更甚好多時候我哋都要自己行出去攞水攞餐具（仲要收加1😮💨），真心不解🤔
所以我就覺得呢間應該係呢幾位老細自己睇鋪嘅（希望佢哋睇到，話翻我知我估得啱唔啱😂）服務態度100分👍🏻
Latte + Long Black (Hot)
呢杯Hot Long Black有回甘，咖啡油脂分布平均，好明顯係有用心炒過嘅靚豆，好驚喜😙
而杯Latte 可能因為要拉花拉得靚嘅緣故，奶味比較重，冇杯齋啡咁驚艷到我。
兩杯咖啡都附送上1粒朱古力脆脆，意外地同杯咖啡都幾夾。
Avocado Toast
呢款淨Sourdough $68，剩係得牛油果份量比較理想，其餘蕃茄仔、Greek yogurt、Lemon wedge 同Chilli fakes都只喺面作些點綴，認真比較寒酸，我哋要自己加錢配煙三文魚 (+$50) 同Chicken meatball (+$38) 成碟擺盤先比較靚😮💨，並唔抵食。另外，個sourdough細細塊不特止，下面落咗好多橄欖油去焗，做到成塊包脆得嚟又易入口，睇嚟佢對自己餐廳嘅sourdough冇乜信心。如果唔係咁貴嘅話，其實係幾好食🫣
Chicken meatball標榜係自家製, 似以雞胸肉整成，口感比較乾身冇肥膏，食得出好健康，如果肉丸入邊加啲配料，如香料/蔬菜可能會更加好。呢款chicken meatball配合返幾位年輕老細，鍾意做gym嘅飲食習慣掛（留意到餐廳櫃放咗好多蛋白粉，幾位廚師又操到好鬼大隻）但總括而言，味道係正正常常嘅。
Spicy Clam Pasta (11:00 - 15:00)
係Cafe入面嘅Lunch Set ，$108嚟講認真幾抵食，配一杯咖啡加意粉🍝 今次啲蜆及意粉份量好足，正常急凍蜆發揮冇乜特別，香辣味亦都好夠，但我就略嫌成碟意粉太過油膩，味道平舖直敘，只可以話夠醫飽個肚。
Latte + Long Black (Hot)
$40
130 views
0 likes
0 comments
Avocado Toast
$156
291 views
2 likes
0 comments
Spicy Clam Pasta
$108
328 views
0 likes
0 comments
Post
