ENSŌ

Open Now

Now Closed

在西環海旁有間日式串燒店「ENSO」堅尼地城站行幾分鐘就到，小店經營，除咗有王牌串燒，仲有定食🐣自家製免治雞肉棒:呢個月見雞肉串賣相好吸引，外皮以醬汁燒香，內裏係免治雞肉，再沾上日本生雞蛋🥚，配合香濃嘅蛋味好正，剩返嘅蛋漿仲可以撈飯食😚牛舌 👅外皮燒到好香，內裏肉質厚身爽口，咬落去嘅時候肉汁同香味滲出🤩，牛味香濃，油香濃郁又唔會太油膩，只係簡單用海鹽調味，已經恰到好處，將牛味昇華😍🐷宫崎黑豚肉烏冬豚肉嘅份量都幾多，肥瘦同厚薄都適中，口感爽口不肥膩，加咗少少黑椒都幾惹味；烏冬質感軟熟，湯底清而不膩。定食包咗漬物，沙律，飲品和甜品。沙律菜幾新鮮，漬物係泡菜，酸酸辣辣幾開胃，不過正常日式漬物應該係醃蘿蔔個類，唔知點解係泡菜😅飲品我揀咗玄米茶，茶味幾香有回甘，甜品係雪糕，幾香滑，甜度適中。