萍記泰式美食 (Closed)

作為西環街坊，我諗我幫襯過超過10次，我可以講咁多年嚟個味道都無變，而且我覺得佢冇加過價。間鋪坐到廿幾人到，都幾企理，乾淨。串燒就會喺出邊燒，菜啊炒野就會喺入邊廚房整。佢哋應該係一家人經營，萍姐就係煮嗰個，串燒就係佢個仔整，樓面就係萍姐老公。個Menu有泰文，同埋記得佢哋講過會返泰國慶祝潑水節，所以估呢到啲野食都幾正宗。其實個Menu都幾多選擇，但我叫嚟叫去都係叫嗰啲嘢食，因為真係覺得好好食，價錢就OK啦其實都幾抵，咁多野好似都只係三百蚊左右，而且冇加一就非常好！我其實唔知泰國菜點先叫正宗，但佢呢度唔係一味得個辣字，重口味。首先，嘢飲叫咗青檸梳打，佢呢個味道同出邊完全唔同。係飲唔到嘅味道，個顏色同平日都唔同，超級正，而且超級大杯，我諗個份量係平日嘅1.5倍。嗌咗一堆小食，包括炸蝦餅、豬頸肉同牛仔骨串燒。我覺得個豬頸肉就普通啲，但牛仔骨非常惹味，佢本身已經切到一嚿嚿，方便食。個蝦餅就非常不得了，炸到出邊脆脆地，入邊啲蝦膠就好彈牙而且好大塊。推介呀👍🏻另外叫咗碟炒菜，都好食但就冇乜話特別嘅地方。但碟香葉炒蜆真係100個讚，佢啲蜆好肥美好大隻，無沙，個量都OK多下我諗有20幾隻。最重要佢係用