La Postre (厚福街) (Closed)

今晚心血來潮突然想食一餐特別嘅菜式,唔想食中式又唔想食平日嘅西餐，就選擇咗食西班牙餐。從來都未食過西班牙餐，今日經過尖沙咀，見到一間裝修得幾靚嘅西班牙餐廳，外圍係藍色裝修，好有歐陸式風味的餐廳。首先我哋點左一碗鮮茄蟹肉忌廉濃湯，個湯幾好飲好多蟹肉蕃茄香濃。之後我哋叫咗蒜香雞翼，芝士蟹肉煎餅，炸魷魚圈，黑松露蟹肉燉飯。蒜香雞翼冇咩特別，但幾好食雞肉嫩滑，炸魷魚圈冇咩特別，粉漿可以再薄身一點，黑松露蟹肉燉飯好食香濃黑松露味道，忌廉口感不會太濃。但最失望比較係芝士蟹肉煎餅，煎餅冇芝士味同埋冇乜蟹肉，比較似乾身嘅煎蛋餅，總括呢一餐其實唔太覺得係西班牙餐，比較似平常出面食嘅西餐，冇乜特別，價錢還可以。