Ole Spanish Restaurant

Open Now

Now Closed

Weekday，放假，中午嚟到中環Ole ，望住一眾中環友匆忙食set lunch，我哋就嗒住杯sangria 食tapa，嗌完一樣又一樣，個心涼到呢😜😝主菜吃了乳豬，驚為天人！心中暗忖一定要帶老竇媽子來吃。家父酷愛粵菜，其中一味心水菜式就係乳豬。本身知道Ole做咗幾十年星期日都係唔開的，但係同侍應妹妹吹水先知道因為疫症關係生意下跌而家連星期日都開，仲做埋brunch添，仲係$400唔使！當下一於book位星期日一家人再嚟共聚天倫。西班牙燒乳豬：皮脆肉鬆化，真心幾好食，算係Ole的招牌菜了。家父一邊食一邊話XX記YY記(乳豬名店)唔使去了，做仔的聽到佢咁講當堂冧晒，沐浴在父愛當中(超肉麻😂😂)。老竇問我係乜，我簡單解釋是西班牙油炸鬼😀😀。呢挺油炸鬼沾啲朱古力醬又幾盞鬼喎🤣😆，用來收尾啱啱好。