La Paloma

Open Now

Now Closed

哩間西班牙餐館餸菜好正宗，環境亦優美，仲可以選擇坐露台享受用餐，當日水吧位置正正有一班外國人搞party，見佢地都玩得好開心，下次有機會我都約班fd再黎。店內有個大焗爐，好靚好宏偉。服務質素絕對值得比讚，好有禮貌亦主動加水，每款食物都有提示我地注意d咩，例如小心個鐵飯盤燙手。Virgin sangria-glass($75/每杯)，什果加上類似梳打汽水，好飲又大杯。Bacon conqueso($30/件)，一定要一下放晒入口，因為裏面有芝士，好軟滑，外殼好脆。Salmon TNT($32/件)，同樣一口食晒，裏面感覺有種辣味既千島醬，好新穎，而且三文魚有油脂香。Pulpo a la gallega($140)，八爪魚粒配蕃仔，一邊爽口一邊腍既口感好特別，八爪魚好食。Cochinillo($270)，用上BB豬，皮好脆嫩，肉質有溶化口感，配菜有菠菜仔，都一樣煮得好好味。Paella valenciana($388)，西班牙飯有d似意大利飯，同樣係偏向濕d，但口感就更加腍身d，都唔錯，雞肉粒好滑。Churros($70)，西班牙甜品，見到都流晒口水，肉桂味好香，仲有砂糖，食落甜甜地，仲附