LAVA Bar & Restaurant (Closed)

我好少食西班牙菜, 屋企附近開左間西班牙餐廳, 環境寬敞舒適, 呢晚就同媽媽嚟一試究竟! 第一次食西班牙薯仔奄列, 唔知點為之正宗, 迷你既奄列起碼3吋厚, 蛋依然好滑好滑😍火候控制啱啱好! 中間夾住爽脆洋蔥絲同咸咸地既肉碎, 咸香惹味, 不過略嫌肉碎咸左啲, 淡返少少就好啦, 而薯仔份量少, 唔多覺佢存在😂西班牙海鮮飯用一個鐵鍋裝住, 夠哂氣勢, 飯粒粒分明, 煙韌帶嚼勁, 每粒飯都用海鮮汁包圍住, 一啲都唔乾, 帶少少辣好惹味! 海鮮有細章魚、蝢、大蝦等, 份量大夠哂豐富! 而且有鮮味, 好吃!!甜品是分子料理, 新奇有趣! 分子蜂蜜蛋糕份量有啲少, 質感比較乾, 我都系鍾意正常版多啲。而雪糕就好香滑, 雲呢拿味濃郁, 好食到不得了! 西班牙菜系香港唔常見, 呢間餐廳有格調食物有水準, 絕對值得一試。