B&S 西班牙小食坊 (Closed)

晚飯前又口㾗㾗想咬D野，係美食橫行既觀塘區，緣份帶領下，就同朋友行下行下撞下撞下咁黎左「西班牙小食坊」。有好野食，一定要埋好野飲，佢既House Wine好鬼抵飲，而且質素唔差。基於晏D有大餐，所以只係叫左D小食試下先。佢地既48個月既純橡果黑毛豬火腿好鬼正，可能我鐘意油香啦。見隔離枱介紹，叫左佢地既Pan Cristal黎配海鮮一齊食。本身個包就已經夠好脆夠食，加埋吞拿魚腩就更搶。今次時間關係，試左少少，下次一定試下佢地既主菜先。